Gibalhog sa bilangguan ang usa ka mag-uuma human nasikop sa kasong Murder atol sa gipahigayong operasyon sa mga kapulisan adtong milabayng Sabado didto sa Capitol grounds, Brgy. 6, Malaybalay City, Bukidnon.
Giila ang suspetsado nga nasikop nga si Henry Bartolo, 65 anyos, minyo, ug residente sa Purok-2, Brgy. San jose, Malaybalay City, Bukidnon ang kinsa anaay warrant of arrest sa kasong Murder nga gi-issue ni Hon. Wilfredo G. Bibera Jr., Presiding Judge sa RTC, 10th Judicial Region, Branch 46, Malaybalay City pinitsahan August 3, 2021 nga walay girekomendang piyansa alang sa temporaryong kagawasan.
Gidala na sa Malaybalay City Police Station ang suspetsado alang sa tokmang disposasyon.
Sa laing bahin, mapasalamaton si PCOL. Jun Mark J. Lagare sa mga kapulisan inubanan sa 1004th Military Company ug Regional Mobile Force Brigade (RMFB) X alang sa maong kalampusan.
