Polomolok, South Cotabato–Nasikop sa otoridad ang mag-uumang may kaso human gisilbihan ug warrant of arrest tungod sa kasong gi-atubang kalabutan sa illegal nga droga.
Sa report nga natala sa Polomolok PNP naila ang suspek nga si Geoffrey Andres, 37 anyos, mag-uuma, nanimuyo sa Purok 6, Barangay Sulit, sa nasangpit nga munisipyo.
Kahibaloan nga alas 10:15 sa buntag una ng gipatuman sa Polomolok MPS, SCPIU ug South Cotabato Provincial Highway Patrol Team ang pag-implementar sa warrant of arrest batok sa suspek sa Purok Masagana, barangay Magsaysay, Polomolok sa kalapasan sa Sec.11 ug 12 sa Art.II sa RA 9165 nga dunay cc no. 6479-20 ug 6480-20 nga gi-isyu ni Judge Allan Edwin Boncavil RTC, Branch 62, Polomolok South Cotabato pinitsahan ug pebrero 07, 2021.
Dunay piyansang girekomenda ang korte nga mobalor ug P240,000 pesos alang sa temporaryong kagawasan sa dinakpan nga kasamtangang pabiling balhog sa lock up cell sa Polomolok MPS.
Nasayran usab nga anaa sa rank no.24 Most Wanted Person ang suspek sa municipal level sa lungsod sa Polomolok(RV)
