Tabina, Zamboanga del Sur – Boluntaryong mitahan ngadto sa mga kapulisan sa Tabina ang usa ka suspetsado kinsa responsable sa pagpusil patay sa iyang kaubang mag-uuma kagahapon sa hapon.
Ang mitahan nailang si ABUNDIO PAALISBO PIANG, 55 anyos, minyo, ug residente sa Purok Bagacay, Barangay Dona Josefina, Tabina, Zamboanga del Sur kinsa miangkon nga mipatay sa usa ka nagngalang ERMELO AMOC SUMAGANG, 43 anyos, minyo, ug residente sa Purok Dalaman, Barangay Dona Josefina, Tabina, Zamboanga del Sur
Sa paghidangat sa Tabina PNP nakitang naligo sa kaugalingong dugo ang biktima uban ang mga igo sa bala ngadto sa ulo niini.
Nagkabikil matud pa ang biktima ug ang suspetsado ug sa walay igong hinungdan gipusil kini sa suspetsado gamit ang 12 gauge shotgun.
Igo sa ulo ang hinungdan sa iyang hinanaling kamatayon.
