South Cotabato—Patay ang usa ka mag-uuma human kining gipusil sa kainum sa may Sitio Upper Talahik, Barangay Talahik, Surallah, South Cotabato niadtong nakalabayng adlaw.
Basi sa record sa Surallah PNP, ang biktima, giilang si Mark John Horado Baldesimo, 24, single, ug residenti sa samang lugar.
Giila usab ang suspek nga si Ciplan Maquiling, 20, single, mag-uuma ug residente sa Barangay Moloy, Surallah.
Sa imbestigasyon sa kapulisan, nasuta nga nag-inum ang mga nasampit sa maong lugar. pila ka oras ang nakalabay, miuli na ang biktima uban usab ang suspek apan kalit lang kining gipusil sa wala sayring rason.
Nakaangkon ug samad ang biktima sa iyang dughan nga hinungdan sa iyang kamatayon. Paspas usab nga misibat ang suspek sa wala sayring lugar bitbit ang iyang pusil. Sa karon, nagpahigayon na ug manhunt operation ang Surallah PNP batok sa suspek.
