South Cotabato—1 ang patay human nahitabo ang pagpamusil sa mag-uyuan sa may Sitio Motolob, Barangay Halilan, Lake Sebu, South Cotabato niadtong nakalabayng adlaw.
Biktimang namatay nailang si Jimmy Samblan Ofong, 46, minyo, mag-uuma ug residenti sa Sitio Floren, Barangay Lamdalag, Lake Sebu.
Basi sa inisyal nga imbistigasyon sa Lake Sebu PNP, nasuta nga anaa sa ilang Farmhouse sa may Sioto Matolob ang biktima uban sa iyang pag-umangkon nga si Jovel Gatong Sulan dihang kalit lang giratratan ang ilang farm house.
On the spot patay si Ofong human nakaangkon ug samad pinusilan sa walang bahin sa iyang lawas.
Migula usab sa gihimong imbistigasyon sa kapulisan nga away sa lupa ang motibo sa krimen human nga adunay komplikto sa luna nga gitikad sa biktima. Sa karon padayon ang gihimong imbistigasyon sa Lake Sebu Municipal Police Station, kalabutan sa maong insidenti.
