Ya endereza el grupada del maga balut vendors na consejo local ayer por el diila intensyon para pidi ayuda con el mga consejales aserca el diila estado donde ya man-warning asegun canila el Ofisina del Administrador del Ciudad para cuji canila en tiempo si hinde sila fuede sigui con el reglamento que ta impone el govierno local.
Este el revelaccion de Nonoy Mendoza, el Presidente del Boulevard Livelihood Association que ta vene mga balut, penoy, chicharon y kwek-kwek na lugar.
Asegun con Mendoza, un tal Engr. Rolando Sarimogan del Task Force Ordinance el ya man warning canila que cuji con el diila mga venta si hinde listao el diila mga nombre na de antes listahan que ya apruva el consejo para vende balut na locaccion del Navarro y Alejo street donde ya designa canila el govierno local.
Si Mendoza ya abla cay na diila simple la vida desde antes hasta aura, este el primeravez ya experiencia sila el tal problema que ta causa canila sustu proeso sila ya pidi ya aucillo del consejo local en este asunto.
Rason para suweri canila el consejo pormedio de mandar canila organiza con el diila grupo y sumite coneste lista na consejo por el accredicaccion para esta lejitimo y no fuede mas basta-basta lang canila manda sale na diila locacccion donde canila ya permiti vende balut como la vida.
El consejo local tambien ya suweri cay dale tambien canila fuesto na locaccion donde conduci el night market para vende en tiempo si pasa ya este tal ordinansa na consejo local. – Bhong Simbajon/RMN News
