Maga ventajoso y ventajosa

Maga pulis del Criminal Investigation and Detection Group y personajes del Department of Trade and Industry ya puede aresta con un mojer y disuyu dos companiero na un entrapment operation despues estos ta toma ventaha na sitaucion pormedio de vender alcohol bien caro.
Con el maga suspechao ya conose como canda Maria Solis Arroyo, de Guisao y su dos uban canda Arnel Santos y si Armand Plateros.
Si Arroyo quien un online seller amo el quien ta vende alcohol tres doble el precio del original precio na tienda.
Este asunto ya puede sabe el DTI y el CIDG si porque ya tene que conduci el un entrapment operation.
Yan mirahan el undercover y canda Arroyo na Talungon, San Roque del Martes tarde donde despues de recivir si Arroyo con el marked money encambio el botelya del alcohol dayun conele y consu dos uban ya agaunta el maga CIDG quien aquel tiempo na lugar sin saber diila.
El maga otoridad ya puede recobri monton otro maga botelya de alcohol con diferentes brand na possession del maga suspechao.
Ya detene con el tres na CIDG pendiente el plantada del caso na corte por el violacion del Republic Act 7581 an act providing protection to consumers by stabilizing the prices of basic necessities and prime commodities and by prescribing measures against undue price increases during emergency situations and like occasions otherwise known as price act.