Ginakonsiderar ni PNP Deputy chief for Administration Ramon Apolinario ang siyudad sang Iloilo bilang lugar para sa iya pagretiro.
Ini ang ginpahayag ni Apolinario angut sa iya natalana nga pagretiro sa maabot nga Agosto 31 sa edad na 56 anyos.
Ginpahayag ni General Apolinario nga ang mga nagretiro kasubong niya ang nagapangita sang lugar na matawhay kag ginakabig niya nga “best place for retirement” amo ang siyudad sang Iloilo.
Gintumod sini ang siyudad sang Cebu nga maayo man apang tuman ka bug-at sang trapiko kaangay sang Metro Manila.
Ginhinambit man niya ang siyudad sang Davao nga manami man nga lugar apang tuman naman ka layo samtang ang Zamboanga City naman ang may daku nga panghangkat sa peace and order.
Si General Apolinario ang nagtiglawas kay PNP chief Oscar Albayalde sa 117th police service anniversary sa Police Regional Office 6 sa Campo Delgado kahapon.
