Davao City – Gidasig sa usaka multi-sectoral organization proponent ang matag indibidwal nga gilayon makig-alayon sa mga awtoridad aron dili mabiktima sa mga mangingilad nga manawag sa telepono ug magpaila nga taga-gobyerno ug mangilkil og kung dili muhatag, hulga-on nga i-tokhang.
Segun kang social advocate Jess Pagaran, ang pagsumbong sa maoy labing epektibo nga pamaagi aron dili hingpit mabiktima sa mga scammers hinoon masanta ang ilang sinindikato nga binuhatan ngadto sa target nilang mabiktimahon.
Sumala ni Pagaran nga dili malimod nga dunay grupo kun mga tawo nga misakay ug migamit sa ‘tokhang’ campaign sa kapulisan aron makailad ug makasapi sa ilang mga mahimong biktima.
Gidasig pa niini ang katawhan nga mahilig og social media sama sa Facebook nga dili magpataka og patol sa di nila kaila ug dili dayon motoo sa ilang istorya aron dili sila ma-ut-utan og sapi sa mga mangingilad.
Alang ni Pagaran, ang pagbalewala sa magpatoo nga sila awtoridad ug dayon mutanyag og tabang aron dili matokhang ug pagduol sa kapulisan ang pinakamaayo nga depensa batok sa mangingilad sa online.
RadyoMaN Joel Viray
