Magbarkada nga nagriot usa ang giluba

22

Davao City– Nahulog sa riot ang paglingaw-lingaw unta sa magbarkada busa usa ang nadunggaban ug nadala sa Southern Philippines Medical Center (SPMC) kagabii.

Samdan sa kilid sa tiyan si Polonio Lopez Jr., 17 anyos ug nanimuyo sa Barangay Callawa Buhangin District ning siyudad human giluba sa iyang barkada alas 12:00 kagabii mao nadala kini sa SPMC.

Sa wala pa nahitabo ang insidente, naglami pa og inom sa bino ang biktima uban sa iyang mga barkada dihang nangahubog na nagbikil ang maghigala hangtud nagkarambola.

Sigun ni Polonio, usa sa ilang mga higala mikuha og kutsilyo apan wala damha sa biktima nga siya diay ang pontarya ug dayon duslak kaniya hinungdan sa samad sa kilid sa tiyan.

RadyoMan Joel Viray

Facebook Comments