General Santos City–Nagpatabang sa Police Station 1 ang duha ka mga biktima sa salisi gang sa syudad sa Gensan partikular na sa mga tindahan kung asa adunay dala nga kwarta ang mga tawo.
Unang nagpatala ang usa ka Perlita Fantilanan Hallegado, 45 anyos, nga nanimuyo sa Lansang Vill, Barangay Sinawal ning syudad human nga nadiskobrehan matud pa niini nga wala na sa iyang bag ang iyang wallet nga dunay unod nga P12,000.00 ug mga ID.
Sumala pa nga mubayad na unta ang biktima sa cashier sa Bianca’s textile nga nahimutang sa Pioneer Avenue apan pagtan-aw sa iyang pitaka wala na kini.
Sa nahimong imbistigasyon sa kapulisan migula nga adunay duha ka mga babae ang nag sunod-sunod sa biktima ug maoy mikuha sa iyang pitaka, nakuha matud pa sa CCTV ang maong panghitabo,
Samtang nagpatala usab ang usa ka Myrna Jeminez Sumalpong, 55, nanimuyo sa Asai Village human nga masalisihan sa mga suspek alas 10:00 sa buntag sa Personal Collection nga tindahan nga nahimutang sa Quirino Avenue.
Sumala pa sa biktima nga natangag sa suspect ang iyang bag nga gibutang lang taas sa cartoon samtang nagaentertain ug customer nga dunay unod P7,100 ug mga importanteng dukomento samtang nakuhaan usab ug fooftage sa CCTV ang maong insidenti.
Sa kasamtangan ginaila nalang sa kapulisan ang mga identity sa mga suspect aron usab nga pormal kining ma pasakaan ug kaso.(Dave Silagan)
(Photo From Web)
