BACOLOD CITY Ginabulubanta nagdangat sa kapin P9.6 million pesos ang kantidad sang suspected shabu ang natigayon nga ma recover halin sa isa ka OFW nga lalaki kag sa iya live-in partner sa ginpatigayon nga buybust operation kahapon sa Brgy. Singcang Airport, ciudad sang Bacolod.
Nakilala ang mga suspek nga amo sanday Sidney Hulleza kag Betty Bongay, residente sang JR Torres Subd., Brgy. Singcang Airport, Bacolod City.
Ang buybust ginpatigayon may mga las 11:30 kagab-i sa Aries St., JR Torres Subdivision sang mga katapo sang Regional Drug Enforcement Unit 6 kag sang Police Station 8.
Nakuha sa possession sang mga suspek ang kapin 275 ka daku nga sachet sang suspected shabu nga nagabug-at sang kapin 1.380 kilos subong man isa ka weighing scale kag isa ka bag lakip na ang buybust item nga isa ka daku nga sachet sang suspected shabu kag P35,000 pesos nga buybust money.
Sa karon detained na sa custodial facility sang Police Station 8 ang mga suspek para sa nagakaigo nga disposisyon./DYHB NEWSROOM
