MOISES PADILLA, NEGROS OCCIDENTAL – Ang indi mabakud nga evidence of guilt sang prosecution batuk sa akusado sa krimen nga illegal possession of explosives rason nga naka-bail kag hilway na karon temporaryo si Moises Padilla Vice Mayor Ella Garcia Yulo kag ang iya bana nga si Felix Matias Segundo Yulo III.
Ini matapos nga gin-grant ni Judge Edgar Tupas sang RTC Negros Occidental Branch 46 ang pangabay sang mga akusado nga maka piyansa matapos ang halos 7 ka bulan nga pagkabilanggo.
Bangud sini, nagbayad sang tag P10 mil pesos nga piyansa ang vice mayor kag ang bana gani temporaryo ini karon nga na-release.
Madumduman nga sang December 19, 2017, gindakup sanday Vice Mayor Ella kag ang iya bana sa banwa sang Moises Padilla kon diin gina-alleged nga nakuha sa ila salakyan ang mga armas kag explosives.
