DAVAO CITY – Gitay-ug og sunod-sunod nga linog ang Davao Occidental karong gabii.
Base sa report sa Philippine Institute of Volcanology and Seismology (PHIVOLCS), unang miigo ang magnitude 4.0 nga linog alas 6:19 sa gabii kaganina diin aduna kini 171 kms nga gilay-on sa sidlakang bahin sa Sarangani, Davao Occidental.
Samtang kaganinang alas 6:41 sa gabii, gilinog pag usab ang maong lugar og magnitude 4.1.
Parehong tectonic ang tinubdan sa maong mga linog.
Dugang sa report sa (PHIVOLCS) nga wala kini laumang damyos ug aftershocks.
Gisulayan pag-contact sa DXDC RMN Davao team ang *Provincial Disaster* Risk Reduction and Management Council sa Davao Occidental apan wala pay update gikan kanila og unsa na ang sitwasyon sa maong lugar human gitay-ug og sunod-sunod nga linog.
Samtang padayong pahimangno sa Office of Civil Defense kun OCD XI nga kanunay magmaigmaton, sundon ang kinahanglang buhaton ugaling muabot man ang maong kalamidad ug dili kalimtan ang mga pagtulun-an sa mga ginahimong earthquake drill aron makatabang kung unsay angay himuon before during ug after sa linog ug aron usab malayo sa disgrasya.
RadyoMaN Renz Barbarona
