Davao City – Mitay-ug ang magnitude 5.1 nga linog alas 2:28 kaganinang kadlawun sa Davao Occidental.
Sa record sa Philippine Institue of Volcanology and Seismology kun PHIVOLCS, mitay-ug ang maong linog alas 2:28 sa kadlawun diin tectonic ang tinubdan sa maong linog nga aduna 33 kms ang giladmon samtang 120 kms ang gilay-on sa kasadpang bahin sa Sarangani, Davao Occidental samtang magnitude 3.8 ang mitay-ug alas 12:54 kaganina ug magnitude 4.5 pag abot sa alas 2:19 sa kadlawun.
Dugang niini, walay laumang damyos apan adunay mga aftershocks samaong pag tay-ug.
Samtang kaganinang alas 2:44 sa kadlawun, gisundan kini og magnitude 3.0 nga linog nga miigo gihapon sa nasangpit nga lugar, magnitude 3.8 kaganinang alas 5:43 sa buntag ug ulahing natala karong tungura ang magnitude 2.1 alas 7:40 sa buntag.
Subay niini, nagpahinumdom ang Office of Civil Defense kun OCD XI nga kanunay alerto ug maminaw sa mga updates kabahin niini.
Hinuon sumala sa OCD XI nga walay damyos ug napagan sa maong insidente apan padayon ang ilang monitoring sa maong mga pagtay-ug.
RadyoMaN Renz Barbarona
