Davao City – Walay natala nga damyos ang munisipalidad sa Governor Generoso sa Davao Oriental human miigo ang magnitude 5.4 na lindol pasado alas 10:00 sa buntag kagahapong adlawa, Abril 12, 2023.
Sa interbyu sa DXDC RMN Davao kay Jun Saavedra, personahe sa Municipal Disaster Risk Reducation and Management Office (MDRRMO) Governor Generoso, gisulti niini nga hinay lamang ang ilang nasinatiang paglihok say uta tungod kay sa kadagatan miigo ang linog nga adunay 059 kilometeros nga gilawmon.
Wala usay na-report nga damyos ang mga barangay sa maong munisipalidad human sa linog.
“Walay reported nga damages. Wala poy na-report naay na-injured,” matud ni Saavedra.
Bisan pa man, gisiguro sa MDRRMO nga andam kanunay ang ilang evacuation centers oras sa linog o bisan sa pagbaha, tsunami ug unsa pang matang sa kalamidad.
RadyoMaN Kirby Manzon
Facebook Comments
