Davao City – Gitay-og sa magnitude 5.9 nga linog ang Governor Generoso, Davao Oriental alas-4:03 Enero 16 sa kaadlawon diin tectonic ang tinubdan niini.
Subay gipagulang impormasyon gikan sa Philippine Institute of Volcanology and Seismology (PHIVOLCS), nakasinati og Intensity 4 ang Davao City, San Josefa, Agusan del Sur, Intensity 3 sa Alabel ug Sarangani, Intensity 2 sa General Santos City, Kiamba, Sarangani, Kidapawan City, Gingoog City ug Tupi, South Cotabato, samtang Intensity 1 ang Cebu City, T’boli ug South Cotabato.
Nakurat ang mga lumulupyo dinhi sa dakbayan sa Davao ug kasikbit nga mga lugar diin sa post sa DXDC 621 RMN Davao Facebook Page gipasibaw sa mga nga netizens ang ilang lokasyon kung asa nabati usab nila ang maong pagtay-og.
Sumala ni Manny Peralta, nabatian niya kini sa Matina, Aplaya ingon man si Mary Jean Pedroso sa Matina, Pangi ug Noeh Jay sa Ecoland, ning syudad.
Samtang nasinatian usab kini ni Rosalie Rondez ug Edwin Tabalina sa Tagum City, Freddie Nengasca Drew sa Sto. Tomas Davao del Norte nga sumala pa medyo hinay taliwala sa nabatian ni Yenyen Audan sa Manay, Davao Oriental nga matud pa medyo kusog ang pagtay-og.
Hinuon walay gilauman nga damyos sa maong pagtay-og apan adunay mga aftershocks nga mahitabo sa kasikbit nga mga lugar.
RadyoMaN Jason Amisola
