Cauayan City, Isabela- Sugatan ang isang magsasaka matapos barilin ng hindi pa nakikilang suspek sa Barangay Alucao, Sta Teresita, Cagayan.
Kinilala ang biktima na si Mariano Artap Jr., 45 taong gulang, may asawa, at residente rin sa nabanggit na lugar.
Batay sa imbestigasyon ng pulisya, habang nasa loob ng bahay ang biktima ay narinig nito na binato bubong ng kanyang bahay.
Dahil dito, agad na lumabas ang biktima at dito na binaril ng hindi pa nakikilang suspek.
Nagtamo ng tama ng bala ng baril sa kaliwang balikat at tiyan ang biktima.
Agad naman itong dinala sa pagamutan para mabigyan ng medikal atensyon.
Narekober sa pinangyarihan ng insidente ang dalawang (2) basyo ng 12gauge shotgun.
Patuloy pa ang imbestigasyon ng mga otoridad kaugnay sa nangyaring insidente.
