Davao City- Arestado sa Naval Forces Eastern Mindanao uban ang Bureau of Customs XI ang usa ka barkong adunay kargang nagkantidad sa Php 13,806,000 smuggled nga sigarilyo sa Barangay Camudmud, IGACOS, Davao del Norte.
Nilusad ang Naval Task Force 71 sa NFEM og BA492 4th Boat Attack Division, Naval Special Operations Unit 7 ug Bureau of Customs XI og Joint Law Enforcement Operation batok mga smuggling activities diin malampusong nadakpan ang nasangpit nga barko.
Sumala sa NFEM, ilahang nadiskubrehang ginatransport sa maong barko ang milyones nga smuggled nga sigarilyo nga gikan pa og Sulu ug alegasyong mudunggo kini sa syudad.
Gi-turn over sa Navy ang nadakpang barko ug napulo ka mga crew ngadto sa BOC 11 para sa atubangong kaso.
RadyoMaN Aimee Guinita
Facebook Comments
