Nahimong topnotchers ang duha ka mag-igsoon sa gihimong September 2019 Licensure Examination for Teachers kon LET.
Ang duha ka mga mag-igsoon mao sila si Laurabelle Robles Meca (91.40) nga nag top 6 sa LET sa secondary level ug si Geraldine Robles Meca (90.80) nga nag-top 5 alang sa elementary level nga pulos taga- San Antonio East, Don Carlos, Bukidnon.
Nagtungha kini sa Bukidnon State University kon BUKSU main campus.
Sa interview sa RMN Malaybalay ngadto kang Laurabelle Meca, gibutyag niini nga wala siya nagtoo nga ma-apil siya sa topnotchers.
Nabalitaan na lang daw niya nga nag-top siya gikan sa taho sa iyang mga higala ug mga classmates.
Matud ni Laurablle nga nahimo niyang inspirasyon ang iyang mga ginikanan aron mahatagan sa maayo ug komportable nga kinabuhi.
Dako usab ang pagpasalamat niini ngadto sa Labaw nga Makagagahum.
Samtang gikalipay usab sa kadagkuan sa BukSU nga daghan sa ilang mga magtutungha nga nag topnotcher sa LET 2019.
Sa interview sa RMN Malaybalay ngadto kang Dr. Mercidita Villamayor, Dean sa BUKSU College of Education, gibutyag niini nga nalipay sila ug dako tungod kay mao kini ang pinakadaghang ihap sa mga nagtopnotcher.
Nasayran nga gawas mag-igsoong Meca laing upat pa ang nagtopnotcher nga nagtungha sa BukSU nga mao ang mga musunod:
ELEMENTARY LEVEL
5 – Charlotte Samontañez Matela (90.80) 8 – Shiela Joy Gamba Bolaño (90.20) 9 – Haidee Pinky Daga-ang Minguito (90.00)
SECONDARY LEVEL
10 – Anafhel Caingles Gamalo (90.60)
