General Santos City–Positibo nga gitudlo sa usa ka 13 anyos nga dalagita ang mag-mqagsuon nga maoy responsible nga milugos kaniya gabie niadtong Desyembre 24 sa NLSA road, Barangay Lagao ning syudad.
Sumala pa ni Police Inspector Felix Minion ang Deputy Chief Of Police sa Police Station 3 nga positibo nga giila sa usa ka alyas inday, 13 anyos, ang mga suspect nga silang Alias Danny, 23 anyos, ug ang 14 anyos nga isguon niini nga si alyas Bert nga maoy milugos kaniya sa dihang siya nahubog.
Dugang pa ni P/Insp. Minion nga sa kasamtangan ilang gikustudiya ang suspect nga si Danny samtang gi-turn over sa CSWDO ang minor de edad nga igsuon niini.
Samtang pagpaklaro ni Minion nga bisan paman ug positibo sila nga gitudlo sa biktima ila gihapong paaboton nga mapagawas ang resulta sa medical examination sa biktima.
Hangtud nga wala pa migawas ang resulta dili pa sila mag pasang-at ug kasong pag panglugos batok sa mag igsuon ug bugtong pagsupak sa RA 9262 kon violation againts women and children ang ilang mapasaka nga kaso tungod sa bun-og sa nawong nga naangkon sa biktima human matud pa kining pag gisumbag sa mga suspect.
