Davao City – Padayon pa ginatambalan sa balay tambalanan ang duha ka magsuon human gipangdungab ganinang alas 3:30 sa kaadlawon didto sa Seaside, Brgy. Lapu Lapu, Agdao siyudad sa Davao.
Sa report sa Sta Ana PNP, naila ang mga biktima mao sila Ricky Estorba, 35 anyos ug Regie Estorba, 39 anyos pareho residente sa nahisgutang lugar samtang ang mga suspetsado giila nga mao sila alyas Kaking, Palong, Toring ug Dodong.
Inisyal nga imbestigasyon sa kapolisan samtang ang mga biktima miduaw og haya sa ilang silingan dunay nagdula og hantak diin didto nahitabo ang panaglalis ug engkwentro ug nadamay ang duha ka mga biktima.
Si Ricky nakaangkon og samad sa panga nga bahin samtang si Regie nakaangkon og samad sa tuong abaga nga bahin.
Kapolisan sa Sta Ana naglusad na og follow up investigation ug ila nang gipangita ang upat ka mga suspetsado nga midunggab sa biktima.
RadyoMaN Don Pulayao
