South Cotabato—Human ang halos kapin usa ka semanang negosasyon ngadto sa ilahang mga tagsa tagsa ka mga pamilya hingpit ng misurender ngadto sa tinugyanan sa balaod ang magsuong miyembro sa New People’s Army (NPA) sa may Sitio Tabudtod, Barangay New Dumangas, Tboli, South Cotabato.
Subay sa report nga nahagpat sa RMN DXMD ngadto sa militar giila ang mga misunrender nga NPA member nga silang Mitong Garcito, alyas Marco/Ali og Jing Garcito, alyas Jen nga parihong mga aktibong sakop sa Guirella Front 73 sa CPP NPA nga naglihok sa South Cotabato, Sultan Kudarat og Sarangani province.
Dala sa duha ka mga misurender nga NPA ang ilahang mga armas sama na lamang sa usa ka kalibre 45 nga pistol ingon man landmine nga ginagamit nila sa pagpabusikad sa mga sakyanan sa military.
Dugang pa nga ang duha ka mga myembro sa NPA ang adunay standing warrant of arrest sa kasong arson ingon man kidnapping and serious illegal detention nga gipagula ni Honorable Judge Lorenzo F. Balo, ang presiding judge sa MTC Branch 26, Surallah, South Cotabato tungod sa pagdagit kanaidto sa usa ka sakop sa militar .
Sa pagkakaron ang mga misurender nga mga NPA ang bantay sarado sulod sa silda sa Tboli PNPs. (Emir Bariquit)
