Pagadian,Zamboanga del Sur—Dead on the spot ang bana og grabe usab ang kahimtang sa asawa human gipamusil sa wala mailing mga suspetsado sa purtok Irine, Brgy. Poblacion , Sominot Zamboanga del Sur.
Giila ang namatay nga si Jayme Buhayan 47 anyos samtang nagpaalim usab sa samad pinusilan ang asawa nga si Lydia, 47 anyos managsama nga lumulupyo sa Purok 2, Barangay Barubuhan, Sominot ning probinsya.
Sa inisyal nga imbestigasyon sa Sominot Municipal Police Station, sakay sa ilang motorsiklo ang magti-ayon og paghidangat sa dapit nahitaboan kalit nga misunod kanila ang laing single motor diin sakay usab ang duha ka suspek, milakag kini sa ilang gisakyan og gibabagan ang agi-anan sa mga biktima og diha-diha walay langan gipusil ang mga biktima gamit ang caliber 45 nga pistola.
Nakuha sa crime scene ang lima ka basiyo sa bala sa caliber 45.
Gisuta pa sa kapulisan ang motibo sa pagpamusil samtang padayon ang gilusad nga hot pursuit operation alang sa posibleng pagsikop sa mga suspek nga niikyas human sa hitabo.
Tags; Mel Coronel, RMN DXPR Pagadian 603, Kenneth Alvin Bustamante
