Magti-ayon nga giingong ga-supply ug ginadiling druga sa mga barangay dinhi sa Iligan ug posibleng nalambigit sa Ozamis City Drug Syndicate nakuhaan ug kapin kun kulang 200 thousand nga balor sa gituho-ang shabu

Iligan City – Gihimakak sa magti-ayong Rommel Roeja Sr., ug Geraldine Roeja nga dili kanila ang gituho-ang mga shabu nga nakuspikar sulod sa ilang panimalay sa Pitsburgh Street, Celdran Village Barangay Tubod atol sa gihimong pag-implementar sa mga sakop sa Philippine Drug Enforcement Agency o PDEA sa search warrant batok sa kanila.

Gawas sa magti-ayon lakip usab ilang anak nga si Rommel Roeja Jr., nga na serban sa search warrant ug nakuhaan usab sa gituho-ang shabu.

35 gramos kinatibuk-ang nakunpiskar nga druga sa nasangpit nga pamilya kun asa mobalor kini sa kapin kun kulang 200 thousand pesos.


Matud ni PDEA Misamis Oriental Provincial Officer Expidito Cardona Jr., nga napagawsan ug search warrant ang magti-ayon ug ilang anak human taud-taud na nila kining na surveillance nga gapayuhot sa illegal nga druga.

Kadudahan sumala pa ang kabtangan sa magti-ayon nga adunay konkretong panimalay, mga sakyanan ug uban pa nga walay insaktong trabaho.

Giila usab nga high-value target ang magti-ayon nga maoy ga-supply ug druga sa barangay saray ug pipila ka barangay sa Iligan ingon man ang paglambigit nila sa Ozamis City Drugs Syndicate.

Kasamtangang anaa karon sa kustodiya sa PDEA 10 ang maong mga suspect alang sa dugang imbestigasyon ug eksaminasyon ingon man kaso nga ilang atubangon. (Ghiner Cabanday, RMN Iligan)

Facebook Comments