Davao City – Gideklarang dead on the spot ang magpamilya human madisgrasya ang ilang gisakyan nga motorsiklo alas-5:35, adlaw’ng Sabado sa hapon nahitabo sa Davao-Bukidnon Road, Calinan, ning syudad.
Wala makasuot og helmet gani maoy pagkabundak sa mga ulo sa semento sa mga biktima nga sila John Rey Cozo Abella, 39 anyos, usa ka amahan; Victoria Enoc Abella, 41-anyos, usa ka inahan; ug Mary Gwen Enoc Abella, 5-anyos, nag-inusarang anak, pulos taga Barangay Subasta, Calinan ning dakbayan.
Migula sa imbestigasyon nga gikan Samal ang magpamilya diin paingon kini sa Barangay Lacson nga direksyon pauli apan kalit na lamang miliko sa pikas nga lane ug aksidente nga nabangga sa kasugat niining wing van truck nga gimaneho sa usa ka Arnel Sangco, 31-anyos, residente sa Freedom Village, YCF Barangay San Antonio, Agdao, Davao City.
Sa pagkakaron gipahiluna na ang patay’ng lawas sa mga biktima samtang gibalhog ang driver sa truck sa Calinan PNP ug gikatakdang muatubang sa kasong Reckless Imprudence Resulting to Homicide.
RadyoMaN Jason Amisola
