Davao City – Wala na makaabot sa Bag-ong Tuig ang usa ka drug pusher human misukol sa mga operatiba alas-9:20 kagabii.
Naantimano og pagkaigo ang suspek nga si Nelson Galves, 41 anyos, dunay kapuyo, ug nagpuyo sa San Isidro, Bunawan ning siyudad.
Kalit lang matud pa mibunlot og .38 revolver nga pistola ang suspek dayon pabuto ngadto sa mga otoridad.
Apan abtik nakabalos ang tropa ni PO2 Mark Palma hinungdan sa hinanali nga kamatayon niini.
Ang suspek nagadayo pa sa Sasa area aron magsuplay og droga sa iyang mga customers.
Sulod sa taas nga panahon gipailawom sa surveillance si Galves ayha kini nalit-ag sa kapulisan.
Ang Scene of the Crime Operatives 11 (SOCO-XI) sa pagpanguna ni Police Chief Inspector Genova nakarekober og .38 revolver uban ang mga sachet sa shabu, 500-peso mark money, ug cellphone gikan sa napatay nga pusher.
RadyoMaN Joel Viray
