[image: IFM 919 Logo (1).jpg]
Dead on the spot ang mag-asawang Eliezer ug Marivic Sencio human giligsan og 10-wheeler truck ang gisakyan nilang topdown sa National Highway, Barangay Crossing Palkan, Tupi, South Cotabato gahapon bandang alas-6 sa gabie.
Gidaro pa og pipila ka metro ang gisakyan nilang topdown ug wala dayon makahawa ang 21 anyos nga kauban nilang si Alguimad Guerrero nga samaron usab sa insidente.
Base sa mga testigo paspas ang padagan sa truck paingon og Koronadal City gikan og Gensan apan pag abot sa dalan atubangan sa simbahan nakabangga na kini og topdown nga iya kay Vergel Nolasco apan nakaambak kini kauban ang iyang duha ka mga sakay og nakaluwas.
Sunod nga gidaro ang topdown sa magtiayon og sila nangambak apan naligsan gihapon sa trak rason nga nangalata ang ilang lawas.
Mideretso sad ang dagan sa trak hangtod nga nahulog sa kanal daplin sa dalan.
Nisurender sad ang drayber sa trak nga si Reynaldo Tribujenia nga nawad an matod pa siya og preno ug control sa manibela dihang mahutdan kinig air brake og wala makahimo sa pagbusina.
