[image: IFM 919 Logo (1).jpg]
Nakabaton ug mga bun-og sa lawas ang usa ka babayeng itago lang sa pangalang Alias Angelica, residenti sa Barangay Calumpang human kining gisuwayan ug lugos sa usa ka suspetsado sulod mismo sa lawak niini.
Subay sa sumbong sa biktima samtang siya nahinanok ug katulog nakamata nalang kini nga adunay tawo sulod sa iyang kwarto kung asa gitiunan na siya ug kutsilyo.
Ang maong tawo matud pa naghubo nang daan kung asa siya gimanduan usab nga muhubo, apan inay mutuman, nisyagit ug kusog ang biktima aron madunggan sa iyang mga kaubanan sa balay nga adunay tawo suldo sa iyang lawak.
Tungod niini nalisang ang suspek mao nga midagan dayon sutoy ug sibat samtang nabilin ang brief og short pants niini.
Gilayon man usab nga gidala sa ospital ang biktima aron nga matambalan ang iyang mga bun-og sa lawas.
