General Santos City–Patay ang bana samtang samdan ang asawa niini human nga gipamusil alas 11:00 ang takna sa kagabie kagahapong adlawa, Enero 31, 2018 sulod mismo sa ilang panimalay sa may Purok 5, Barangay San Jose, Glan sarangani Province.
Biktimang namatay giilang si Eddie Mantowa ug asawa niining si Birma Mantowa, pulos residenti sa nasampit nga lugar.
Nasayran nga samtang natulog sulod sa ilang lawak sa ilang panimalay kalit lang nga gipamusil ang mga biktima sa wala mailhing suspek.
Nakaangkon og grabeng samad sa nagkandaiyang parti sa kalawasan si Eddie nga hinungdan sa iyang kamatayon, samtang ang asawa niining si Birma nakaangkon sab ug mga samad sa iyang kalawasan kansa naa karon sa ospital.
Facebook Comments
