Giklaro ni PNP Bukidnon Provincial Director Col. Ruel Lami-ing nga pagpamusil ang nahitabo kagahapon ug dili ambush sa lungsod sa Talakag, Bukidnon.
Sa imbestigayon sa kapulisan nasayran nga nahitabo ang pagpamusil alas 11:30 sa kagahapon, March 12, 2020 sa Purok 3, Sto. Niño, Talakag, Bukidnon
Naila ang mga biktima nga sila si Raul Ganihay alyas Kumander Round, 54 anyos, nga usa ka provincial monitoring sa LGU – Province of Bukidnon ug gi-alegaran nga supporter sa CPP NPA nga affiliated sa Acuman Criminal Group.
Kauban niya nga gipusil ang asawa niining si Jocelyn Ganihay, 49 anyos nga susamang nagpuyo sa P3 , Brgy Dagumbaan, Talakag.
Nasuta nga gikan sa Poblacion sa mao nga lungsod ang mga biktima sakay sa usa ka motor ug paingon unta kini sa Brgy. Dagumbaan ug pag-abot sa mao nga dapit didto kini gipamusil.
Naka-angkon sa daghang samad pinusilan ang mga biktima nga maoy hinungdan sa ilang hinanaling kamatayon.
Nasayran usab nga duha ka mga suspek ang nagpusil sa mga.
Gipadayon usab karon ang gihimong hot pursuit operations sa kapulisan sa Talakag batok sa mga suspek.
