Giila ang mga namatay nga silang Jhonrey Talisan, 22 anyos, ug Rhea Talisan, 19 anyos nga mga residente sa Quemtras, Butong, Quezon, Bukidnon nga sakay sa usa ka single motor samtang gimaneho ang Mitsubishi Pick-up ni Stephen James Timogan Luceño, 44 anyos, minyo, government employee, ug residente sa Kiburiao, Quezon, Bukidnon.
Sumala sa report sa kapulisan, nga nagdagan sa managlahing direksyon ang single motor ug ang Mitsubishi pick-up, pag-abot sa lugar kung asa nahitabo ang disgrasya, mi-overtake matud pa ang maong single motor sa nag-unang sakyanan hinungdan nga nasentro pagbangga niini ang nakatabo nga pick-up.
Gumikan sa kakusog sa impak, natunga pa sa duha ang single motor ug nangalagpot sa kilid nga bahin ang mga sakay niini.
Gisuwayan pa og dala sa balay-tambalanan ang mga biktima apan gideklara ng dead-on-arrival sa doktor samtang swerteng naluwas usab sa maong disgrasya ang batang babaeng anak sa magtiayong biktima.
Nakaangkon usab og mga gagmayng bun-og ug pangos sa kalawasan ang drayber sa maong pick-up nga kasamtangan karong gidetenar sa Quezon Municipal Police Station alang sa tokmang disposasyon.
