General Santos City—Luwas na sa peligrosong kahimtang ang magtiayon nga Geraldo ug Anaklyn Boniao residente sa Brgy Levi, Malapatan Sarangani Province kansa una nang nadisgrasya sa motorsiklo human nga nakabangga ug iro sa dalan.
Base sa impormasyon gikan sa St Elisabeth Hospital nakalingkwas na sa peligrosong kahimtang ang mga biktima ug gani nakagawas na usab sila sa balay tambalanan.
Kung kahinumduman nga nakahiagom ug mga pangos ug samad sa pipila ka bahin sa lawas ug ulo ang magtiayon human natigayon ang disgrasya didto sa highway sa Lun Masla Malapatan sa diin bandang alas 8.00 pasado sa gabii pauli na unta sa ilang panimalay ang mga biktima dihang nahitabo ang aksidente. (kasamang Jordan Britos)
Facebook Comments
