General Santos City—sikop sa operatiba sa Philippine Drug Enforcement Agency (PDEA) Regional Office-12 ang tulo ka mga personahe nga lambigit matud pa sa El Patron Drug Group atol sa gihimong operasyon sa Barangay Poblacion, Maasim, Sarangani Province, kabuntagon, kagahapong adlawa.
Alas 2:45 ang takna sa buntag dihang nasikop silang si Arman Bada Y Vergara, 47, minyo, negusyante ug asawa niini nga si Lovely Bada y Tacsan, 37, pulos miyembro sa El Patron Drug Group ug residenti sa maong lugar.
Narekober gikan sa posisyon sa mga suspek ang (30) gramo sa suspected shabu nga nagkantidad ug P150,000.00 ingon man mga bank passbooks.
Sikop usab sa laing operasyon alas 3:55 sa buntag kagahapong adlawa ang suspek nga si Zaldy Ong, 53, negusynate ug miyembro gihapon sa El Patron Drug Group, nakuha sa iyang panimalay ang (11) ka gramo sa suspected shabu nga may street Value nga P55,000.00.
Gikaingong dugay nang gipanid-an ang PDEA ang mga suspetsado gumikan sa ilang illegal drug activity sa lungsod sa Maasim ug mga kasigbit nga mga lungsod. Kasong kalapasan sa Republic Act. 9165 ang gikatakdang ipasang-at batok sa mga nahisgutan kansa balhog karon sa silda sa PDEA Regional Office 12.
Photo Credit to: PDEA Socksargen
