Padayon ang gihimong imbestigasyon sa mga otoridad batok sa magtiayong suspect sa kidnapping nga nasikop kagahapon ning syudad.
Mahinumduman nga nasikop sa mga pulis sa tabang sa katawhan ang ang magtiayon human niini gisulayan og dagit ang dos anyos nga batang babaye sa Vegetable Landing area sa Barangay Bulua.
Matud sa inahan sa biktima nga wala niini nabantaye ang iyang dos anyos nga anak kay na busy na kini sa pagtimpla sa kape para sa iyang kustomer.
Apan usa ka Marlon ang nakakita sa insidente nga nihilak ang bata sa dihang giarsa sa babayeng suspect busa dali niya kining gipahibalo sa nanay sa bata.
Isakay na unta sa magtoayon ang bata sa bus sa dihang napugngan kini sa inahan.
Matud ni Police Executive Master Sergeant Armand Hernaez sa Bulua Police Station nga modus sa mga suspek ang magtanyag og kendi o pagkaon sa mga batang biktimahon.
Samtang, nakuha gikan sa mga suspek ang sanina sa bata, gatas, diaper, biskwit ug kwarta.
