Roxas City, Capiz – Indi na interesado pa nga magpasaka sang kaso ang magtimbang nga bahin sa natabo nga komosyon nga nagresulta sa binun-anay sa Barangay V, Roxas City sang nakaligad nga gab-i.
Ini matapos nga makatsekyar sang tagsa nila ka affidavit of non-interest ang duha ka kampo.
Ulihi na nahibaluan sang mga ini nga magkilalahay man lang gali ang ginikanan sang duha sa mga persona nga imbolbado sa insidente.
Sa matandaan, duha ka mga persona ang biktima sang pagpangbuno sa Barangay V, Roxas City nga amo sanday Rojan Fortes, 17-anyos kag Christine Berbaño, 27-anyos samtang duha man ang mga suspek nga amu sanday Rodulfo Fortes, 45-anyos(amay sang biktima nga si Rojan Fortes) kag Amy Gallardo, 25-anyos.
Nag – umpisa ang insidente sang ginsaway ni Rojan Fortes ang mag live-in partner nga iya nabatian nagabaisay apang ginbuno ini sa ilok ni Amy Gallardo.
Didto kag nagdalagan pauli sa ila balay si Rojan Fortes kag nagpanugid sa iya nagakatulog nga tatay nga si Rodulfo Fortes nga ini ang nabun- an kun sa diin dayun naman guwa sang tatay kag ginkomprontar ang pihak nga grupo kag ginbuno man sini si Christine Berbaño.
Lunsay ginpangdala sa ospital ang amo nga mga persona agud matratar sa ila mga samad sa lawas.
Samtang ginpaguha naman sa karsel sang Roxas City PNP ang mga suspek makaligad nga nagtapos na ang inoras sa pag-detain sa ila.
