Davao City – Malagmit mag-atubang og tulo ka matang sa kaso ang usa ka magtutudlo human nag-wild sa balay sa kanhi niyang kapikas nga usa ka abogado sa may Vincent Heights Village, Barangay Aliongto ning siyudad.
Posibleng Alarming Scandal, Malicious Mischief ug Harassment ang ipasang-at nga kaso batok sa suspek nga si Hilda Gura Marasigan, magtutudlo ug nanimuyo sa Digos City, Davao Del Sur.
Napaslak sa selda sa Sasa PNP si Hilda human nangayo og police assistance si Atty. Nicholas Marasigan kagahapong adlawa.
Subay sa blotter, anaa sa hospital niadtong higayona ang abogado dihang nanawag ang katabang ug gipahibalo ang pag-wild ni Hilda samtang gipangita ang kanhi bana nga si Hermie ug usa ka Shiela alas 7:40 sa buntag.
Wala na usab gisaysay sa complainant ang rason ngano buot sa suspek pagawason ang iyang kanhi bana nga amahan ra usab sa abogado diin nanghulga pa ang magtutudlo nga adlaw-adlaw muhimo og kasamok sa ilang pamilya.
RadyoMaN Joel Viray
