Polanco, ZDN-Anaa pa karon sa talandugon nga kahimtang ang usa ka ginang human kini pusila sa wala mailang responsible.
Ang biktima mao si Edelina Empeynado, 51 anyos ug usa kini ka magtutudlo sa pampublikong tulunghaan, residente kini sa Block 7 Lot 9, Victoria Hills, Cunacon, Pob. North, Polanco, ZN.
Sa gihimong imbistigasyon sa kapulisan sa Polanco, kini si Edelina, sakay kini sa iyang motorsiklo naglawig kini sa dalang nasyunal sa may Sitio Cunacon, Pob. North.
Didto na kini gisundan sa kreminal ug walay duha-duha nga mipusil sa biktima, maayong pagka igo sa likod niini, wala kini na intimano ug naka dagan pa padulong sa panimalay ni Lourdes Bontilao, aron mangayo ug tabang.
Butyag pa sa mga saksi, ang mipusil sa biktima nakasuot kini sa helmet sakay sa pula nga motorsiklo padulong sa lungsod sa Piñan.
Naghimo pa ug makuti nga imbistigasyon ang kapulisan sa Polanco, kun unsay motibo sa mao nga pagpamusil.
