General Santos City—Gipaklaro ni Police Major Tirzo Pascual ang hepe sa Bula Police Station nga ilang gikonsidera nga high value target ang magtutudlong si Exequil Laurente Jr.
Gani tulo ka bulan na nilang ginamonitor ang gimbuhaton sa maong magtutdlo apan panahon sa bakasyon miadto kini sa ubang lugar aron lang nga magtago-tago hinungdan nga dugay nila kining nadakpan.
Nagtuo usab si Pascual nga posibleng duna pod kini mga customers nga mga estudyante nga ginabaligyaan ug ginadiling droga ug mao kini karon ang ilang giimbistigahan.
Dugang pagbutyag ni Pascual nga kasong kalapasan section 5 ug section 11 ang giatubang sa suspetsado kansa balhog karon sa silda sa Police Station 6.
Kahibaloan nga una nang nasikop ang suspek sa buy bust operation sa may queen tuna park alas 6:30 sa gabie kung asa nakuhaan kini sa iyang posisyon ug 11 ka Sachet sa gikatahapang shabu ingon man 1000 pesos nga buy bust money.(Reynald Timario)
