Magueang linabo it manghod

8

Kalibo, Aklan – Multiple hack wounds rong naangkon it magueang matapos nga linabo ko anang manghod kabii sa Brgy. Nalook, Kalibo, Aklan.
Rong biktima nakilaea kay Rolenie Moronio Sancio, 38-anyos samtang rong suspek nakilaea kay Renie Moronio Sancio, 34-anyos tanan residente it nasambit nga lugar.
Base sa report it Kalibo PNP nga kabii hay magkaibahan man nga naga inuman rong magmanghod ag tag mga hilong eon hay nakaangkon it diskusyon ag umabot sa punto nga linabo it manghod ro magueang.
Pero base sa suspek hay naga pungko imaw sa andang baeay ag gulpi nga tinueop raya ko anang magueang ag bangud kato hay bumuoe raya it sanduko ag ginlinabo ra magueang.
Matapos rong pagpang eabo hay insigida nga gindaea sa hospital rong biktima para mataw-an it nagakaigo nga pagbueong samtang rong suspek hay eagi man nga naaresto ag naka kulong sa lock up cell it Kalibo PNP.

Facebook Comments