General Santos City–Dili pabor si 2nd District Maguindanao Congressman Toto Mangudadatu nga mahimo sa hingpit nga balaod ang Anti-Terrorism Bill ilawom sa House Bill 6875 nga gipadali karun sa pagduso sa kamara rason nga mi-abstain kini panahon sa botohanay.
Matud pa ni Mangudadatu nga iyang nakita sa maong House Bill nga makahatag lang kini ug kahadlok sa katawhan gumikan kay sa oras nga mahimo na kining balaod si kinsa mang masuspetsahang terorista ang pwedeng dakpon ug mapriso sulod sa 14 ka adlaw ug pwede usab kining malugwayan pa hangtud sa napulo ka adlaw.
Ang kapait lang matud pa niini kay dili manghilabot ang gobyerno sa tawo nga madakpan nga wala napamatud-an nga siya usa ka terorista nga angayan unta gisusi pag maayo ang unod sa maong House Bill kung makaayo ba kini sa katawhan.
Gipaklaro usab sa kongresista nga gikinahanglan unta duna usab balaod sa Pilipinas nga modakop sa tawo nga walay laing mabuhat kundili magsige lang ug himo ug kabulastogan nga dili usab makalapas sa katungod sa katawhan.
Gihingusgan pa niini nga bag-o mahimong balaod ang Anti-Terrorism Bill angayang huna-hunaon pag-ayo sa nagsugyot niini kung makaayo ba kini sa mga Pilipino nga maoy hinungdan nga bisan si PRRD ang wala dayon mipirma ug gipasa pa niini sa Secretary sa DOJ alang sa dugang pagtuon.
(Photo Credit to the owner)
