Sa interbyu sa DXDC RMN Davao kang Police Chief Master Sergeant (PCMS) Thaddeus Oropel, personahe sa Digos City Police Station (PS), giila niini ang biktima nga si Rolando Delos Santos, 34 anyos, samtang ang suspek mao si Ruben Delos Santos, 26 anyos, pulos residente sa nahisgutang lugar.
Sa imbestigasyon, alas 2:30 sa hapon sa maong adlaw sa dihang nag-inom ang mag-igsoon ug nagkakalalis. Didto na kini miresulta sa pagkuha og kutsilyo sa suspek ug pagdunggab sa igsoon niini nga naigo sa tiyan ug liog nga gilayon usab nga midagan sa balay sa ilang igsoong babayi.
“Nag-inom man gud ni sila. Mao ‘to nagkalalis sila. Mao ‘to nga nadunggaban niya iyang igsoon,” sulti sa pulis.
Ginaimbestigahan pa karon sa kapulisan kung aduna bay kanhi bangi ang duha o dala lang sa ilimnon ang insidente.
RadyoMaN Kirby Manzon
