MAGULANG, GINLABO SANG MANGHOD GAMIT ANG ESPADING!

Panit – an, Capiz – Pilason ang 46 – anyos nga mister matapos ini ang ginlabo sang kaugalingon nga utod pasado alas 9 sang gab-i sa Barangay Timpas, Panit-an, Capiz.
Igu sang labo sa tiyan kag nawala nga porsyon sang butkon ang naangkon sang biktima nga ginkilala kay Julius Buday Jr., residente sang nasambitan nga lugar.
Samtang ang suspek nga ginatudlo may kahimuan sa krimen ang mismo manghud sini nga ginkilala kay Rodel Buday, 42 – anyos ang pang-edaron.
Nagaguha sa imbestigasyon sang kapulisan sa banwa sang Panit-an nga lunsay nakainum kag hubog ang duha ka mga persona sang natabo ang insidente.
Nahibaluan dugang nga may yara sang nagluntad nga pagsabtanay sa tunga sang mga ini apang natambagan sila sang mga himata.
Nag-uli ang suspek kag sa pagbalik sini, may dala na nga espading nga amo ang gingamit sa paglabo sa magulang.
Insigida naman ini nga nagpalagyo samtang madasig nga gindangat sa isa ka pribado nga ospital sa syudad sang Roxas ang biktima para nga madapatan sang nagakaigo nga pagbulong.
Ang hinubog kag daan na nga hiligut-anon ang ginatudlo sang kapulisan nga motibo sang krimen.