Nagka-grabing epekto sa Climate Change pangandaman sa dakbayan sa Malaybalay

25
Gituki karon sa Sangguniang Panglungsod (SP) sa dakbayan sa Malaybalay ang nagkagrabing epekto sa climate change sa natad sa pagpanguma rason para himoon ang lakang para maprotektahan ang mga mag-uuma ning syudad.

Kini ang gipadayag ni re-elected City Councillor Christopher Soria atol sa pagpahigayon sa regular session sa SP malaybalay diin nag hupot usab kini sa komitiba pang agrikultura.

Gilauman nga ang climate change partikular na ang global warming mao ang makahatag og dakong epekto sa naug-ubos sa abot o produksyon sa mga kaumahan ug direkta usab nga apektado ang ekonomiya.

Subay niini giduso sa hawanan sa konseho ang pag-aplikar sa climate smart agriculture nga pamaagi sa pagpanguma ug naglangkob kini sa mga practical nga mga pamaagi nga dili lamang maka tabang sa mga mag-uuma apan lakip ang proteksyon sa kina-iyahan.

Gidayeg usab niini ang mga programa sa agri-pinoy nga usa sa mga naka-tutuk karon sa mga bag-ong pamaagi sa pagpanguma ug suportado usab kini sa syudad sa Malaybalay.

Facebook Comments