Gutalac, Zamboanga del Norte – Naadmit karon sa probinsyal hospital ang usa ka bana dihang gisangot kini sa iyang asawa sulod sa ilang panimalay mga alas 8:30 sa niaging gabii didto sa Barangay Lux, lungsod sa Gutalac, ning lalawigan sa Zamboanga del Norte.
Sa report sa gutalac municipal police station nailhan ang nasamdan bana nga si Gerome Idias Bayawa, 27 anyos, diin ang trabaho manakaay ug lubi human gisangot sa asawa nga si Cerila Borden Bayawa 29 anyos.
Sumala pa sa kapolisan nga ilang nasayran nga kining bana kon mahubog magwild magdalag hait nga hinagiban ug modapat matud pa sa iyang asawa.
Migawas sa imbistigasyon sa kapolisan nga niadtong higayuna,hubog nga nauli ang bana nga gikompronta sa asawa nga neresulta sa ilang away.
Ang asawa gilanit ang sangot diha gitakin sa hawak sa iyang bana nga maoy hinongdan maayong pagka abis sa walang kilid niini ug nasamad pa gayud ang tuong tuhod.
Samtang asawa nadapatan sa bana nakahiagom sab ug bog-og nagkadaiyang bahin sa lawas.
Daling gidala sa mga neresponding mga polis ang nasamdan nga bana sa Liloy District Hospital aron katambalan gumikan dako ang hiwa sa kilid gibalhin pagdala sa tambalanan sa dakbayan sa dipolog.
Ang asawa temporaryong karon gi-detain sa Gutalac municipal police station samtang naghulat sa reklamong ipasaka kaniya.
