MAHAPLAG LEYTE – Gindeklara na an bungto han Mahaplag, Leyte kumo pinaka-syahan nga bungto ha Probinsya han Leyte nga drug cleared municipality matapos ma-validate han PDEA.
Gindumara an Signing of Certificate and declaration ha Munisipalidad han Mahaplag nga gin-atendiran ni Leyte Police Provincial Director PSSupt. Norberto Tuazon, PDEA Agent Cleveland Villamor, DILG Leyte representative Johannes Dorado.
Nagpapasalamat naman hi Mahaplag Leyte Mayor Daisy Lleve ha bulig han komunidad, Brgy. Anti-Drug Abuse Council o kun BADAC, ha 28 nga barangay, ngan magkadurudilain nga ahensya ha pagdumara han Brgy. Drug clearing operations.
Iya gihapon ginhihingyap nga mamintenar an pagigin drug-cleared han iya bungto.
Base ha datos han PRO8, umabot na ha 51 nga mga barangay ha Leyte an nadeklara kumo drug-cleared nga ginvalidate han PDEA tikang ha 995 nga mga barangay nga drug-affected area.
May nabibilin pa nga 944 nga mga barangsy ha bug-os nga Leyte an kinahanglan limpyuhon ha droga.
