Arestado ang dalawang estudyanteng lalaki at isa pang lalaking nagtutulak umano ng Marijuana sa bayan ng Candleria, lalawigan ng Quezon matapos ikasa ang dalawang magkasunod na anti-illegal drug operation ng Quezon Police Provincial Office.
Nakilala ang dalawang college students na suspek na sina Vincent Caringal Cantos at JohnLoyd Cueto De Guzman, parehong 21-anyos. Kinilala rin ang isa pang suspek na si John Carlo Prudente Macatangay, 25-anyos.
Nakuha sa kanila ang kabuuang 1.493 gramo na umano’y marijuana at may katumbas na halagang P179,160 at ang P8,000 na perang ginamit bilang buy-bust money.
Ginawa ang unang nasabing operasyon pasado alas-10:30 ng gabi at sinundan ito ng pasado alas-3:00 ng madaling araw.
Nakakulong na ang mga suspek sa Candelaria Municipal Police Station Custodial Facility at nahaharap sa kasong paglabag sa Anti-Illegal Drugs Act of 2002.
