TACLOBAN CITY – Nakakarawat an RMN hin mga reklamo tikang ha pira nga residente ha Brgy. Imelda Tolosa Leyte tungod nga waray hira awas hiton tubig.
Mayada usa nga residente nga nagpadangat pa hiton iya reklamo ha facebook page han RMN Tacloban, sumala han iya mensahe, nagtawag na daw hiya ha opisina han LMWD ha Nula-tula pero waray la gihap may naginano hini.
Dayon nga gintawagan han RMN hi Tess Pascua, tagapagyakan han LMWD, sumala ha iya may naback hoe ha Tolosa Leyte pero gin-aksyunan naman daw han LMWD ini.
“May ginpadara na kita ngadto nga mga tawo.”
Pero mayada la gihapon nakakarawat nga reklamo an RMN tungod naman nga mahinay an awas hin tubig ha pira nga bungto han Leyte.
Sumala naman han tagapagyakan han B-O-D para han LMWD ha lLyte Province nga hi Hector Go, may nagbirik hiton awas han tubig sanglit ansya ini an na-eeksperyesyahan han mga residente ha kada bungto.
“Bisan hino la kasi it nagbibirik hito nga awas in tubig, dapat diri nira sugaron.”
