General Santos City—Samdan ang usa ka mahuyang nga itago lang sa pangalang Alias Jay, 19, residenti sa Purok KPS, Barangay Labangal, Gensan human kining gitigbas sa suspek nga ginganlan ug Vincent Alansa, legal age, residenti sa maong lugar.
Nasayran nga nagbaktas ang biktima sa maong lugar dihang kalit lang kining gitigbas sa suspek gamit ang sundang.
Maayo na lang nga medyo habol ang sundang nga gigamit sa supek maong wala kaayo napuruhan ang biktima kansa nakaangkon ug samad sa iyang ulo ug agtang.
Malampuson sab nga nasikop sa kapulisan ang suspek human nga may misumbong sa gihimo sa suspek. Rason sa suspetsado nganong iyang gitigbas ang biktima gumikan matud pa makabati gyud siya ug kasuko higayon nga makakita ug mahuyang.
Facebook Comments
