Yara na karon sa kustodiya sang mga otoridad sa Lebanon ang principal suspect sa pagpatay sa Ilongga OFW nga si Joanna Daniella Demafelis didto sa Kuwait sang nakaligad mga tuig.
Ini ang gin-anunsyo sang Deparetment of Doreign Affairs (DFA).
Suno kay Foreign Affairs Secretary Allan Peter Cayetano, iya na ginpahibalo si Presidente Rodrigo Duterte natuhoy sa pagkadakop kay Nader Essam Assaf, isa ka Lebanese national kaupod sa asawa sini nga si Mona, isa ka Syrian national, nga mga principal suspects sa brutal nga paghpatay sa 29-anyos nga Domestic helper gikan sa banwa sang Sara, Iloilo.
Nahibaluan nga nangin subject sang manhunt operation sang Interpol ang mag-asawa nga Assaf matapos madiskubrehan sang mga otoridad sa Kuwait ang lawas ni Demafelis sa sulod sang freezer sa gin-abandonar nila nga apartment masobra isa ka tuig na ang nakaligad.
Nagalaum si Cayetano nga pagahingyuon sang mga otoridad sang Kuwait ang extradition ni Assaf agud atubangon ang kaso sini sa nasambit nga pungsod.
